"Qərbi Azərbaycan Elləri Lök kəndi" filminin təqdimatı-22 iyul 2024

22 iyul 2024, bazar ertəsi

İyulun 22-də Qərbi Azərbaycan İcmasında Mığrı Rayon İcması və Lök kənd icmasının təşkilatçılığı ilə "Qərbi Azərbaycan Elləri - Lök kəndi" filminin təqdimatı keçirilib.

Tədbiri giriş sözü ilə açan QAİ İdarə Heyətinin sədri, VI çağırış Milli Məclisin deputatı Əziz Ələkbərli İcmanın fəaliyyəti haqda ümumi məlumat verdikdən sonra bildirdi ki, Lök kəndi, burada yaşananlar barədə geniş ictimaiyyəti məlumatlandırmaq çox vacibdir.

Əziz Ələkbərli qeyd etdi ki, tarixi Azərbaycan torpağı olan indiki Ermənistan ərazisində min illər boyu yaşayan soydaşlarımızın etnik təmizləmə siyasətinin qurbanı olduğu hadisələrin və son əsrdə Qərbi azərbaycanlıların mədəni irsinin məhv edilməsi faktlarının bu filmdə yer alması gənclərimizin Qərbi Azərbaycan həqiqətləri ilə bağlı məlumatlandırılmasında mühüm rol oynayır.

Sonra Mığrı rayonunun Lök kəndinə həsr olunmuş “Qərbi Azərbaycan Elləri: Lök kəndi” filminin nümayişi oldu.

Mığrı rayon İcmasının sədri, fizika-riyaziyyat elmləri doktoru, akademik Fikrət Əliyev filmlə bağlı fikirlərini bölüşdü.

Çıxış edən Lök kənd sakinləri filmin ərsəyə gəlməsində əməyi keçən hər kəsə təşəkkürlərini bildirərək doğma kəndləri barəsində xatirələrini paylaşdılar.

Ali Baş Komandan ilham Əliyevin siyasətini dəstəklədiklərini və Qərbi Azərbaycan İcmasının konsepsiyasına uyğun olaraq öz dədə-baba yurdlarina qayıdacaqlarına inandıqlarını bildirdilər və Mütləq yurdlarına dönəcəklərinin yaxın zamanda reallaşacagina inandıqlarını bildirdilər.