Buğakar piri

• Zəngəzur mahalının (Mığrı) Meğri rayonunun Buğakar kəndi ərazisində pir

Buğakar piri - Zəngəzur mahalının (Mığrı) Meğri rayonunun Buğakar kəndi ərazisində yerləşirdi. Ziyarətgah Azərbaycan memarlığı üslubunda inşa edilmişdir. Ziyarətgahın yerləşdiyi kənd öz adını IX əsrdə yaşamış sərkərdə Buğa Əl-Kəbirin adından almışdır. Burada yerləşən ziyarətgah isə kəndin adına uyğun şəkildə “Buğakar ziyarətgahı” adlandırılmışdır. Ziyarətgah həmçinin xalq arasında Sultan Seyid Əhməd məqbərəsi kimi də tanınmışdır.

Qədim dövrlərdə azərbaycanlılar yaşamış Buğakar kəndi 1930-cu ildə ermənilər tərəfindən ləğv edilmiş və kəndin əhalisi ermənilər yaşayan Lehvaz kəndinə köçürülmüşdür. Buna baxmayaraq, buradakı pir müsəlmanların yaşadığı ətraf kəndlərin əhalisi üçün ziyarətgah olaraq qalmışdır.

Azərbaycanlıların 1988-ci ildə Qərbi Azərbaycandan kütləvi deportasiyasından sonra bu abidə ermənilər tərəfindən dağıdılmışdır.

Baba Hacı məqbərəsi

• Zəngəzur mahalının (Mığrı) Meğri rayonunun Nüvədi kəndi yaxınlığında məqbərə

Baba Hacı məqbərəsi–orta əsr oğuz abidələrinə aiddir və Mığrı(Meğri) rayonunun Nüvədi kəndi yaxınlığındadır. Məqbərənin hündürlüyü 3,5 metr, çevrəsinin diametri 6 metrdir. Baba Hacı məqbərəsi bayırdan dairəvi, daxildən isə 16 guşəli plandadır. Xalq arasında yayılmış rəvayətə görə, bu məqbərə Babəkə məxsusdur.