İdarəetmə orqanları

Mığrı (Meğri) rayon İcmasının sədri

Mığrı (Meğri) rayon İcmasının sədri - Rayon icmasının fəaliyyətinə rəhbərliyi və nəzarəti həyata keçirir. Rayon İcması İdarəetmə orqanı kənd icma sədrlərindən, Qadınlar Şurası və Gənclər şurasından ibarətdir. Kənd icma sədrləri,Qadınlar və Gənclər Şurasının sədrləri rayon icma sədri tərəfindən beş il müddətində təyin və vəzifədən azad edilirlər. Mığrı (Meğri ) rayon İcmasının sədri Əliyev Fikrət Əhmədəli oğludur.

Əliyev Fikrət Əhmədəli oğlu-(13 avqust 1949,Qərbi Azərbaycan,Mığrı(Meğri), Nüvədi)

- Akademik ,fizika riyaziyyat elmlər doktoru,professor. 1971-ci ildə Azərbaycan Dövlət Unversitetinin (indiki BDU) mexanika -riyaziyyat fakültəsini müvəffəqiyyətlə bitirərək aspiranturaya daxil olmuş, 1975-ci ildə Ukrayna EA-nın Riyaziyyat İnstitutunda (Kiyev) namizədlik dissertasiyasını müdafiə etmiş, 1990-cı ildə SSRİ EA-nın Ümumittifaq Sistem Analizi İnstitutunda (Moskva) fizika-riyaziyyat elmləri doktoru dərəcəsini almaq üçün doktorluq dissertasiyasını müdafiə etmişdir. 2000-ci ildən isə Azərbaycan Milli Elmlər Akadeniyasının həqiqi üzvüdür. 2007-ci ildən Türk Dünyası Riyaziyyat Cəmiyyətinin Vitse-Prezidentidir. F. Ə. Əliyev 1975-ci ildən 1992-ci ilədək Azərbaycan EA Riyaziyyat və Mexanika İnstitutunda kiçik, baş elmi işçi, 1992–1993-cü illərdə İstanbul Texniki Universitetinin (Türkiyə) professoru olmuş, 1993-cü ildə Amerika Riyaziyyat Cəmiyyətinin, 1996-cı ildən Ümumdünya Kompüter Assosiasiyasının üzvüdür.“Applied and Computational Mathematics” beynəlxalq jurnalın baş redaktoru ,“TWMS Journal Pure and Applied Mathematics” beynəlxalq jurnalın baş redaktoru,“Proceedings of Institute of Applied Mathematics” jurnalın baş redaktorudur. Azərbaycan elminin təbliğindəki xidmətlərinə görə 2011-ci ildə Azərbaycan Respublikasının Prezidentinin fərmanı ilə "Tərəqqi" medalı,2019-cu ildə isə “Əməkdar elm xadimi”fəxri adına layiq görülmüşdür..Rumıniya Respublikasının Riyaziyyat Cəmiyyətinin 100 illiyinə həsr olunmuş xatirə medalı,Qazaxstan Respublikasının Əl-Fərabi adına Milli Universitetin Yubiley medalı ilə təltif olunub.1993-cü ildən indiyədək Bakı Dövlət Universitetinin nəzdində Tətbiqi Riyaziyyat ETİ-nin direktoru vəzifəsində calışır.

Müşavir

İlqar Əziz oğlu Bağırov 1962-ci ildə Zəngəzur mahalının Mığrı (Meğri) rayonunun Maralzəmi kəndində anadan olmuşdur. 1969-1979-cu illərdə Maralzəmi kənd ibtidai sinfi və Lök kəndinin orta məktəbində təhsil almışdır. 1984-cü ildə Azərbaycan Dövlət Universitetini bitirmişdir. 1985-1988- ci illərdə Mığrı rayon Lehfaz kəndin Mədəniyyət evinin direktoru, 1989-1997-ci illərdə Əmək və Əhalinin Sosial Müdafiəsi Nazirliyində “Miqrasiya” şöbəsinin müdiri vəzifələrində işləmişdir. Ailəlidir, iki övladı var.

Sədrin köməkçisi

Mığrı(Meğri) rayon İcması sədrinin köməkçisi Bərəhman Zairov Səfiyar oğlu . Zairov Bərəhman Səfiyar oğlu – (27 sentyabr 1970,Qərbi Azərbaycan,Mığrı(Meğri), Nüvədi).Azərbaycan Texniki Universitetinin radiotexnika fakültəsində “video-mühəndis”ixtisası üzrə bitirib.1992-2001-ci illərdə cəbhə zonasında yerləşən Müdafiə Nazirliyinin N saylı h/h-də zabit kimi xidmət edib.1996-1998-ci illərdə Türkiyə Cümhuriyyətində hərbi təkmilləşdirmə kursunu bitirib.2001-2023-cü illərdə Azərbaycan Televiziya və Radio verilişləri QSC-də mühəndis,montaj rejissoru vəzifələrində ,Azərbaycan Texniki Universitetində TV studiyasında video-operator vəzifəsində işləyib.Ehtiyyatda olan zabit , hərbi təqaüdçü, 1-ci Qarabağ müharibəsi veteranıdır .

Qadınlar Şurası

Qadınlar Şurası - Mığrı (Meğri) rayon İcmasının məşvərətçi kollegial qurumudur. Qadınlar Şurası sədr, kənd icmaları Qadınlar üzrə məsul şəxs və üzvlərdən ibarətdir. Qadınlar Şurasının sədri, Mığrı (Meğri) rayon İcmasının sədri tərəfindən beş il müddətində təyin və vəzifədən azad edilirlər. Mığrı (Meğri) rayon İcmasının Qadınlar Şurasına Məmmədova Nərminə Byram qızı rəhbərlik edir.

Nərminə Məmmədova Bayram qızı -(15 noyabr1956 , Mığrı(Meğri), Lehvaz ).1974 cü ildə Lehvaz kənd ora məktəbini “ əla” qiymətlərlə bitirib ,həmin ili də Naxçıvan Dövlət Pedaqoji İnstitutunun “kimya fakultəsinə” daxil olub . 1978 - ci ildə İnstitutu bitirib , təyinatla Mığrı(Meğri) rayonu Lök kəndində kimya - biologiya müəllimi işləyib . İki ildən sonra Lehvaz kəndində kimya - biologiya müəllimi işləyib. 1988 ci ilin noyabr ayına qədər həmin kənddə kimya - biologiya müəllimi işləyib. 1989 cu ildən Sabunçu rayonu N.İsmsyılov adına 80 saylı orta məktəbdə kimya müəllimi işləyir.

Gənclər Şurası

Gənclər Şurası – Mığrı(Meğri) rayon icmasının məşvərətçi kollegial qurumudur. Gənclər Şurası sədr ,kənd icmalarının Gənclər üzrə cavabdeh şəxs və üzvlərdən ibarətdir. Gənclər Şurası sədri Mığrı(Meğri) rayon icmasının sədri tərəfindən beş il müddətində təyin və vəzifədən azad edilirlər. Mığrı(Meğri) rayon icmasının Gənclər Şurasının sədri Əvəz İlqar oğlu Bağırlıdır. Əvəz İlqar oğlu Bağırlı- (04 dekabr 2000 , Ata yurdu: Qərbi Azərbaycan ,Mığrı(Meğri)-Bakı şəhərində doğulub. 2017 ci ildə Binəqədi rayonu Binəqədi qəsəbəsində 179 saylı orta ümumtəhsil məktəbini bitirib. 2018-2022 ci illərdə Azərbaycan Dövlət Neft və Sənaye Universitetinin geofizik itisası üzrə bitirib. 2022-2024 illərdə həmin universitetdə eyni ixtisas üzrə magistratura təhsili alıb.

Paylaş: