Miğrı (Meğri) İcması "Novruz Bayramı"nı qeyd etdi

16 mart 2025, bazar

Qərbi Azərbaycan İcmasının Miğrı(Meğri) İcmasının təşkilatçılığı,Miğrı (Meğri) İcması "Qadınlar Şurası"nın təşəbbüsü ilə 16 mart 2025-ci il tarixdə "Xəmsə"şadlıq sarayında "Mığri(Meğri) elinin Novruz Bayramı"adlı tədbiri kecirildi.Ümummilli lider Heydər Əliyevin ,Ali Baş Komandan cənab İlham Əliyevin Azərbaycan xalqını təbriklərinə dair video-sujet təqdim olundu, Nuvədi ,Aldərə ,Lehvaz, Mığrı (Meğri) səhəri,Lök ,Maralzəmi kəndlərinin Novruz atributları sərgisi keçirildi. Tədbirdə Mığrı(Meğri) İcmasının sədri Akademik Fikrət müəllim Əliyev,Qərbi Azərbaycan İcmasının "Təftiş Komissiyasının üzvü"dosent Asiman Həsənov, Mığrı (Meğri) İcmasının"Qadınlar Şurası"nın sədri Nərminə xanım Məmmədova,Kənd icma sədrləri,"Qadınlar üzrə cavabdeh şəxslər","Gənclər üzrə cavabdeh şəxslər",Mığrı(Meğri)elinin sakinləri iştirak etdilər.Fikrət müəllim Əliyev tədbir iştirakçılarını"Novruz Bayramı "ilə əlaqədar olaraq təbrik etdi və növbəti ildə öz elimizdə bayramın keçirilməsini arzu etdi.Kənd icma sədrləri, Qadınlar üzrə cavabdeh şəxslər,Gənclər üzrə cavabdeh şəxslərdə çıxışlarında əzəli-əbədi dədə-baba yurdumuzda bu bayramın keçirilməsini arzu etdilər və inanırlar ki,bu arzunun realliğa çevrilməsi çox yaxındadır.