Mığrı (Meğri) İcmasından Novruz Bayramı Təbriki

21 mart 2025, cümə

Ümummilli lider, 2000-ci il martın 21-də Novruz bayramında etdiyi son dərəcə parlaq və unudulmaz çıxışında belə demişdir: “Novruz bayramı Azərbaycan xalqının, azərbaycanlıların ən əziz bayramı­dır. Hər xalqın tarix boyu yaranmış və ənənəyə çevrilmiş bayramları vardır. Azərbaycan xalqının da bayramları vardır. Bunların bir qismi dövlət bay­ramlarıdır, bir qismi xalq, din bayram­larıdır. Bütün bu bayramların içərisində millətimiz üçün, xalqımız üçün, hər bir azərbaycanlı üçün ən əziz, ən doğma, ən sevimli bayram Novruz bayramıdır”. Ulu Öndərin dediyi kimi, ən əziz bayramımız olan Novruz bayramı münasibətilə Mığrı (Meğri) icmasının kənd icmaları və sakinlərini təbrik edirik! İnşallah gələn il "Novruz Bayramı"nı Mığrı (Meğri) yurdumuzda qeyd edəcəyik. Tonqalları əzəli-əbədi dədə-baba yurdumuzda alovlandıracaq, şəkərbura və paxlava­nı öz təndirimizdə, ocağımızda bişirəcəyik. Bir daha Sizləri, Mığrı icmasının sakinlərini təbrik edirik!