Qərbi Azərbaycan İcmasının inzibati binasında 18 yanvar 2025-ci il tarixdə Mığrı (Megri) İcmasının qadınları ilə görüş keçirildi. Görüşdə Dövlət himni səsləndi, Ümummilli lider Heydər Əliyevin və Şəhidlərimizin əziz xatirəsi bir dəqiqəlik sükutla yad edildi. Mığrı (Megri) İcmasının sədri Akademik Fikrət Əliyev, Qərbi Azərbaycan İcmasının "Qadınlar Şurası"nın sədri Məlahət Həsənova, İcma aparatının rəhbəri Qalib Qasımov, kənd icma sədrləri, qadınlar üzrə məsul şəxs Nərminə Məmmədova, kənd üzrə məsul şəxslərlə və fəal qadınlar iştirak etdilər. 

 

Çıxış edənlər Qərbi Azərbaycan konsepsiyasının biz, Qərbi azərbaycanlıların əzəli-əbədi dədə-baba yurdumuza qayıtmağımıza zəmin yaratdığını, cənab prezidentin 7 yanvar 2025-ci il tarixində yerli televiziyalara verdiyi müsahibəsinin bir daha bizləri yurdumuza qayıtmağımıza əmin etdiyini və kənd xatirələrindən, el-obasız yaşadıqları acı günlərindən danışdılar.